(ФОТО) СЕ ВАКЦИНИРАА НАСТАВНИЧКИТЕ ОД ПРВО ДО ТРЕТО ОДДЕЛЕНИЕ - МОН апелира сите да се пријават

Добивај вести на Viber

Денеска продолжија да се вакцинираат наставничките во основните училишта од прво до трето одделение.

Ова го соопшти министерството за образование и наука. 

Како што е познато, вакцинацијата се одвива во А1 Арена Борис Трајковски. 

Од МОН ги повикуваат наставниците што не се пријавиле, да го сторат тоа и да се вакцинираат.

„Вакцинацијата на наставниците започна од вчерашниот ден и продолжува во наредниот период. Станува збор за етапно вакцинирање при што од страна на здравствените работници се повикуваат наставниците со однапред закажан термин и час. Министерството за образование и наука апелира наставниците да се пријавуваат за вакцинација со цел побрзо сузбивање на корона вирусот“, велат од МОН.

Тврдат дека состојбата во образование со корона вирусот е стабилна и хибридниот модел на настава кој се применува се покажал како ефективен за заштита на учениците и наставниците од ширење на Ковид во училиштата. 

„Во овој период на територија на целата држава има 57 инфицирани ученици и 130 наставници кои следат и изведуваат настава со физичко присуство, што е исклучително ниска бројка. Процесот на вакцинација заедно со почитувањето на мерките засега е единствениот начин да ја намалиме трансмисијата во државата вклучително и образовните институции“, велат од МОН.