Добивај вести на Viber
Маулан Фазлулах, исламски проповедник, бил главниот организатор на масакрот кој се случи во воената школа во Пешевар, на северот од Пакистан, во кој беа убиени 148 луѓе, од кои 132 деца.
Фазлулах бил регистриран на радарот на светските безбедносни служби уште во 2007 година кога водел илегална радиостаница, каде во својата програма повикувал на одмазда против жените кои „се осудиле да се образуваа“, и пропагирал џихад.
Тој многу брзо станал култна фигура меѓу своите истомисленици.
„Њујорк тајмс“ во еден свој текст го означува Фазлулах како „исклучително опасен човек кој во потполност е надвор од контрола“.
Неговите болни амбиции и запаллива реторика многу бргу го довеле до позицијата лидер на пакистанските талибани, кои по негови инструкции го извршиле стравичниот масакар во пакистанското воено училишта.
Според логиката на Фазлулах, нападот врз военото училиште е „оправдан и праведен“. Тој истакнал дека масакарот е одговор на насилството на војската кон талибаните.
„Војската ги предизвика талибаните да покажат за што се способни“, изјавил Фазлулах, пренесува британскиот „Индепендент“.
Ова не е прв напад кој е под организација на Фазлулах. Тој ја презеде и одговорноста за обидот за атентат на нобеловката Малалу Јусафзаи пред две години, која тогаш пишувала за ужасниот живот под влста на талибанска.