Добивај вести на Viber
Во Скопје синоќа е отворен првиот индиски ресторан од ланецот Peacock.
Ресторанот е лоциран спроти општина Центар, а ќе нуди разновидно мени со индиски специјалитети.
- Ова е само почеток. Планираме да отвориме ресторани во Македонија по истиот бренд, а идејата е да развиеме сосема друг концепт на ресторани. Ова нема да биде обичен ресторан, туку во него ќе бидете дел од една традиција. Одбрано е името Peacock затоа што во превод тоа значи паун - птица која во Индија означува многу, а и кај вас. Името означува елеганција, убавина, уживање. Тоа го нудиме и ние кај нас, изјави Сонали Семвал, менаџерката на Peacock.
Peacock е почеток на сосема нов концепт на развој на еден сосема друг сегмент во Македонија поврзан со угостителството.
- Идејата да се отвори еден индиски ресторан во Скопје дојде спонтано кога како туристи прв пат го посетивме Скопје и Охрид, во кои воочивме потенцијал за туризам. Всушност она што констатиравме дека Македонците имаат навика да јадат во ресторани. Така го донесовме индиското кулинарско искуство во Македонија под брендот и стилот на Peacock, а потоа спонтано да се прошири и во „Peacock колеџ за угостителство, рече Прити Чандра, промотор на Peacock.