Добивај вести на Viber
Средбата на високите официјални претставници од САД, Русија и арапските земји во Париз ја одбележа невообичаен гест. Американскиот државен секретар Џон Кери подготви несекојдневен подарок за својот руски колега Сергеј Лавров - два големи компири од американската сојузна држава Ајдахо!
Кери објаснил дека подарокот го избрал откако се присетил дека Лавров се воодушевил од овој вид на компири при неговата посета на САД. Шефот на руската дипломатија со задоволство го прими гестот на пријателство од неговиот американски колега.
Шефовите на дипломатиите на двете светски велесили потоа ги продолжиле разговорите за Сирија. И Кери и Лавров повикале на ограничен прекин на огнот пред претстојната мировна конференција што ќе се одржи во Швајцарија на 22 јануари, но не успеале да се согласат дали Иран треба да присуствува на таа конференција.