Добивај вести на Viber
Турската полиција уапсила пет лица кои на протестите во Истамбул палеле примероци на весникот „Џумхуриет“.
Демонстрантите се собрале пред просториите на весникот, извикувајќи слогани против овој весник. Слични протести се одржани во неколку турски градови, вклучувајќи ја и Анкара.
Турскиот весник „Џумхуриет“ објави неколку карикатури од весникот „Шарли Ебдо“, кои го прикажуваат пророкот Мухамед, со цел да изразат солидарност со жртвите од масакрот во Париз.
Агенцијата „Анадолија“ јавува дека уште три други сатирични списанија од Турција – „Леман“, „Ујкусуз“ и „Пингвин“ исто така објавиле карикатури од францускиот магазин оддавајќи притоа почест на паднатите колеги во Франција.