ФОРБС: Путин е најмоќен, а кој се е во негово друштво на листата?
Објавено во: Свет 14 Декември, 2016
Рускиот претседател Владимир Путин е најмоќниот човек во светот за 2016 година, според американскиот магазин „Форбс“.
Путин е прв на ранг листата на „Форбс“ веќе четврта година по ред. Во годинешното рангирање по рускиот претседател на втората позиција се наоѓа новоизбраниот претседател на САД, Доналд Трамп, а трета е германската канцеларка Ангела Меркел.
Зад нив е кинескиот претседател Кси Џинпинг, на петто место е папата Францис, а на шесто место е директорката на Американската централна банка, Џенет Јелан.
На седмо место е коосновачот на „Мајкрософт“ Бил Гејтс, потоа директорот на „Алфабет“ и на „Гугл“ Лари Пејџ, на девето - индискиот премиер Нарендра Моди, а на десето место е основачот на Фејсбук, Марк Зукерберг.
Европскиот централен банкар Марио Драги е на 11. место, а новата британска премиерка Тереза Меј е на 14 место. На 15 место е рангиран милијардерот Ворен Бафет.
Претседателот на нафтениот гихант „Ексон мобил“ Рекс Тилерсон, кој Трамп вчера го номинираше за државен секретар е на 25 место, веднаш зад претседателот на Франција, Франсоа Оланд.