Фон дер Лајен навлече гнев со објавата за загинати 100.000 украински војници
Објавено во: Свет 02 Декември, 2022
Бројни критики има за претседателката на Европската Комисија (ЕК), Урсула фон дер Лајен.
Таа денеска беше остро критикувана за видео пораката на Твитер во која изјави дека во Украина загинале „повеќе од 100.000 украински офицери“ и „20.000 цивили“, без да го наведе изворот. Потоа тој дел беше избришан.
Украинските власти тврдат дека имаат околу 13.000 загинати војници. Ова го кажа советникот на украинскиот претседател Володимир Зеленски, Михајло Подољак.
„Вооружените сили на Украина досега изгубиле меѓу 10.000 и 13.000 војници во војната против Русија“, изјави денеска за украинската телевизија Подољак.
Минатиот месец, највисокиот американски генерал, Марк Мили изјави дека околу 100.000 руски и 100.000 украински војници биле убиени или ранети од почетокот на војната.