Добивај вести на Viber
Дури 9,7 милиони автомобили продал германскиот концерн „Фолксваген“ минатата година, што претставува најголема продажба на групацијата во нејзината историја.
Најголемата автомобилска индустрија во Европа забележала раст на продажбата од пет проценти во однос на 2012 година, кога концернот продал 9,3 милиони возила. Од компанијата се задоволни со резултатите особено во време на криза, а најголем дел од растот припишуваат на одличната продажба на „Фолксваген“ автомобилите во Кина.
„Кинескиот пазар има многу големо значење, тој и натаму ќе расте“, изјави првиот човек на концернот, Мартин Винтеркорн во телевизиско интервју за Дојче веле. „Фолксваген“ на кинескиот пазар продал најмногу возила од сите странски концерни во 2013-та година, со што по девет години го надмина конкурентот „Џенерал моторс“.
„Фолксваген“ во Кина има 17 фабрики за производство на автомобили, но во истовреме на кинескиот пазар увезува возила произведени и во Европа.