Филипче: Пушачите поранливи на Ковид-19
Објавено во: Македонија, Корона Вирус 21 Април, 2020
Министерот за
здравство, Венко Филипче, утринава на Фејсбук објави дека пушачите се една од ризичните
групи на новиот коронавирус. Во неговиот пост, министерот наведува:
-При пушење цигара прстите се во контакт со усните, што ја зголемува можноста за пренесување на вируси од рака на уста. Ова ги прави пушачите поранливи на COVID -19 и затоа треба да бидат особено внимателни.
Пушачите исто така може да имаат веќе заболувања на белите дробови или намален капацитет на белите дробови што во голема мерка може да го зголеми ризикот од сериозни заболувања.
Состојби што ги зголемуваат потребите за кислород или ја намалуваат способноста на телото правилно да го користи, ги става пациентите со поголем ризик од сериозни белодробни заболувања како што е пневмонијата, пишува министерот Филипче утринава на Фејсбук.