Филипче: Почина маж од Дебар, а од Клиниката за инфективни болести се испишани девет пациенти
Објавено во: Македонија, Корона Вирус 30 Март, 2020
Mинистерот за здравство, Венко Филипче попладнево на прес-конференција изјави дека од Клиниката за инфективни болести се испишани девет пациенти, еден од Скопје, а другите се од Дебар.
Но, има уште еден смртен случај од коронавирусот, а тоа е постар човек од Дебар.
Потврдени се нови 26 случаи од повеќе градови.
Тројца пациенти се на механичка вентилација, соопшти министерот.
„Назначен е нов директор на болницата во Охрид. Денеска завршува инспекцијата во врска со третманот на пациентката од Струга, се анализираат сите информации. Нашите сознанија се дека има одреден пропуст“, рече Филипче.
Министерот вели дека од денеска работи уште еден пункт во Скопје, во Чаир каде ќе се земаат брисеви.
Филипче рече дека на пат е донација од 20.000 тестови.
Од Заводот во Козле има заразен персонал.