Филипче: Не се знае колку време вирусот издржува во воздухот
Објавено во: Македонија 09 Јули, 2020
Министерот за здравство Венко Филипче вели дека има многу непознати во однос на пренесувањето на вирусот и дека е се уште е отворено прашање колку може тој да опстане во воздухот. Вчера од Светската здравствена организација потврдија ставови дека коронавирусот може да се пренесе и преку воздух.
„Прашање е колку долго вирусот може да издржи во воздухот и како се пренесува. За тоа има многу непознати, но сепак, маската како надополнување на мерката за одржување дистанца сметаме дека е доволна мерка за заштита. Сите нови дијагностицирани се доказ дека и ова е доволно. Нема некој заболен кој ги почитувал мерките, рече Филипче.
Тој очекува дека на изборниот ден ќе се почитуваат протоклите и порачува да нема некои групирања.
„Протколите се за одржување дистанца. Сметам дека било какви групирања и надвор од денот на галсањето секако е ризик. Сепак свеста кај граѓаните е се поголема сега гледаме и во паркови се носат маски и очигледно е дека луѓето се свесни дека ова ќе биде новиот начин за да се функционира“, истакна Филипче.