Филипче најави: Забрана на семејни прослави и забрана на групирање на повеќе од 4 по 22 часот

Добивај вести на Viber

Министерот за здравство, Венко Филипче, на денешната прес-конференција, на која соопшти дека по денешните 364 новозаразени, во консултација со членови од Комисијата за заразни болести, а во согласност со епидемиолошката слика, одлучиле до Владата да препорачаат нови рестриктивни мерки.

-Се забрануваат семејни собири, прослави. Претстои период на слави...Препораката е во еден дом, ако има четворочлено семејство, најмногу гости што смеат да се примат е уште четворица. Со оваа мерка се обидуваме, рестрикцијата што ја направивме со угостителските објекти да не се рефлектира со правење домашни забави, журки и така натаму, каде ќе има собирање на голем број луѓе, а тоа е ризик за ширење на вирусот. Впрочем, анализите и покажуваат дека најголем број од заразените, се токму од домашни собирања. Истовремено, маските стануваат задолжителни секаде, освен при спортување на отворено, како и за децата под 6 години, значи претшколска возраст. Во возилата исто така не е потребно да се носи маска, но само ако се членови од исто семејство. Предлагаме до владиниот Кризен штаб и забрана за групирање на не повеќе од четворица по 22 часот на јавни места, односно во парковите, кафулињата, кафеаните..., истакна министеропт Филипче на денешната прес-конференција.

Очекува дека граѓаните ќе бидат свесни и дека ќе ги почитуваат новите рестрикции, особено поради фактот што не очекува тежок есенски и зеимски период. 

А.Б.