ФИЕСТА најпродаван мал автомобил во Европа!
Објавено во: Мои пари 29 Јануари, 2015
Трета година по ред, најпродаван мал автомобил на европските пазари е Форд Фиеста, соопштуваат од „JATO Dynamics“. Зад него следи „Рено Клио“ додека третото место го завзема Волксфаген Поло.
Редоследот е ист како и во 2013, но сите три модели забележале подобра продажба отколку во минатата година.
Форд Фиеста во 2014 година ја избрале 308.999 купувачи, (+5,3%), Клиото е продадено во 300.924 примероци (+5,1%), додека во истиот период на европскиот пазар се испорачани 280.378 Волксфаген Поло (+5,2%).
Кога станува збор за победник, меѓу најпопуларните верзии е Фиестата опремена со 1.0 литарски ЕкоБост бензински мотор, кој во 2014 ја доби титулата Меѓународен мотор на годината, исто така трета година по ред.
Форд неодамна објави дека поради растот на побарувачката на европскиот пазар ќе го зголеми производството на неколку модели во Германија, меѓу кои и е Фиеста.
Фабриката во Келн во февруари ќе го зголеми производството на Фиеста за 300 единици дневно - на 1.850 возила, додека шест додатни викенд смени се закажани за во јануари и февруари.