Добивај вести на Viber
Италијански „Фиат“ и американски „Крајслер“ ќе се спојат во една компанија до крајот на јануари, а фирмата ќе добие и ново име, вели првиот човек на „Фиат“ Серџо Маркионе.
Новоформираната компанија ќе биде седми производител на автомобили во светот. Каде ќе биде седиштето на компанијата ќе зависи од тоа на која берза ќе котираат нејзините акции - или во Милано или во Њујорк.
Новосоздадената компанија ќе се концентрира на производството на луксузните брендови како што се „Алфа Ромео“ и „Масерати“, затоа што во масовното производство на автомобили „има преголема конкуренција, помали се маржите, а иднината е комплицирана“, вели Маркионе.
Тој и порача на германската компанија „Фолксваген“, дека за купувањето на „Алфа Ромео“, можат само да сонуваат.
“Фиат“ доби сериозни предупредувања од рејтинг агенциите дека со купувањето на преостанатите 41,5 проценти од „Крајслер“ за 4,35 милијарди долари, на себе превзема големи долгови и со тоа може да ја загрози својата ликвидност. Сепак ова не го загрижува италијанскиот производител на автомобили.