Фалсификуван допис пратен од државниот секретар Несторовска повикува граѓани во полиција
Објавено во: Македонија 20 Април, 2020
Фалсификуван е дописот потпишан од мене, реагира државниот секретар на МВР, Магдалена Несторовска, на фејсбук. Во објавите стоело дека дописот бил пуштен преку електронска пошта, а преку него таа наводно повикува граѓани да дојдат на распит во полиција. Тоа, според неа е за да се предизвика вознемиреност кај граѓаните.
„Ве известувам дека преку електронската пошта циркулира, фалсификуван допис. Истиот не е ниту испратен, ниту потпишан од мене, како Државен секретар на МВР. Се работи за груб фалсифкат со цел да предизвика вознемиреност кај граѓаните !“, вели таа.