ФАКТОР НА ДЕНОТ: Во голема полициска акција уапсени полицајци и цариници, а во рамки на „Отворен Балкан“ потпишани неколку договори

Добивај вести на Viber

РЕАЛИЗИРАНА Е ГОЛЕМА ПОЛИЦИСКА АКЦИЈА

Притвор добија уапсените цариници и полицајци. 

Постапувајќи по предлог на Основното јавно обвинителство за организиран криминал и корупција, пред судија на претходна постапка денеска беа спроведени 9 лица осомничени – дел за кривичното дело Криумчарење, а дел за неовластено производство и пуштање во промет на наркотични дроги, психотропни супстанци и прекурсори.

Судија на претходна постапка донесе решенија со кои го прифати предлогот и на 8 од осомничените им определи мерка притвор во траење од 30 дена, а на еден од осомничените му определи мерка притвор во траење од 8 дена со оглед дека против истиот е поднесен предлог во скратена постака.

Судот сметал дека се исполнети условите од чл. 165 ст.1 т 1. 2. и 3. од ЗКП односно дека кај осомничените постои опасност од бегство, можност да влијаат врз сведоците или да ја попречат истрагата и опасност да го повторат делото.

Во Тирана денеска се потпишани како трилатерални, меѓу владите на Република Албанија,  Република Србија и Република Северна Македонија, Договорот за условите за слободен пристап до пазарот на трудот на Западен Балкан, Договорот за интерконекција за шемите за електронска идентификација на граѓаните на Западен Балкан, и Договорот за соработка во областа на ветеринарството, безбедноста на храна и фитосанитарната политика.

Премиерот Зоран Заев учествуваше на заедничката прес-конференција со претседателот на Република Србија, Александар Вучиќ и со премиерот на Република Албанија, Еди Рама на која информираа за резултатите од Самитот „Отворен Балкан“.

Претседателот на Србија, Александар Вучиќ, за време на одржувањето на Самитот „Отворен Балкан“ во Тирана, овој вторник го започна со израз на 32-риот претседател на САД, Френклин Д. Рузвелт: Можеби нема да им ја подготвуваме иднината на нашите деца, но ние може да ги подготвиме нашите деца за иднината.

АНТИКОРУПЦИСКА ИМА ПРИЈАВА ЗА ИСМАИЛИ

Државната комисија за спречување на корупција поднесе иницијатива до Обвинителството за кривично гонење на Хусни Исмаили, кој е предложен за потпретседател на Собранието според новиот коалициски договор на актуелната власт со Алтернатива.

ДЕНЕС ИМА 335 ЗАРАЗЕНИ СО КОРОНАВИРУСОТ

Министерството за здравство информира, согласно податоците од Институтот за јавно здравје дека во последните 24 часа:

· Направени се 3.543 тестирања, а регистрирани се 335 нови случаи на КОВИД-19:

ЧИТАЈТЕ УШТЕ

По зацврстувањето на парламентарното мнозинство, по договорот со Алтернатива, меѓу останатите министерства, оваа партија го добива и Министерството за здравство, а извори на Фактор брифираат дека освен Венко Филипче, оттаму ќе замине целиот негов кабинет.

Од македонските агенции за недвижности велат дека падот на лирата, и големиот интерес на странците за купување на имоти во Турција, ќе мотивира и дел од македонското население својот капитал да го вложи во купување на куќа или стан во оваа земја.

Познати бизнисмени на големо инвестираат во производството на струја