Европски град добива фонтана од која тече пиво
Објавено во: Свет, Стил 06 Февруари, 2016
Фонтана од која тече пиво ќе се гради во центарот на словенечкиот град Жалец. За проектот веќе се обезбедени 170 000 евра, од вкупно потребните 350 000.
Најголем борец за изградба на фонтаната бил градоначалникот на општината Јанко Кос од партијата на социјалдемократите, а го поддржала и националната туристичка организација, која смета дека фонтаната е одлична идеја за привлекување туристи и промоција на словенечко пиво.
Од друга страна на ваквата одлука се противи конзервативнта партија која смета дека за изградба на фонтана од која наместо вода ќе тече пиво, е само залудно торшење на пари во општина која има само дваесетина илјади жители.
Сепак, анкетите покажаа дека поголем дел од жителите на Жалец ја поддржуваат идејата за фонтана со пиво.