Еве како Lidl воведува ред на касите

Добивај вести на Viber

Трговскиот ланец Лидл одлучи да преземе мерки со цел да промовира здрава исхрана, особено кај децата. Имено, Лидл од своите 600 продавници, ќе ги отстрани сите грицки и слатки кои најмногу ги мамат најмладите. Но не грижете се. Тие ќе бидат отстранети само од касите. Оваа иницијатива е поведена од искуството, децата кои имаат обичај да одат на каса, додека чекаат ред, земаат цело брдо грицки и слатки. Како би се избегнала оваа лоша пракса, Лидл во своите продавници, воведува ред. Од касите ќе бидат отстранети сите оние примамливи работи и ќе бидат заменети со поздрава, алтернативна храна, јаткасти плодови и сушено овошје. Овој популарен ланец, на тој начин, ќе даде свој удел во борбата против дебелината кај децата и ќе ги поттикне родителите да издржат во обидот поздраво да ги хранат своите деца. Во денешно време, се потешко се носат со овој проблем, бидејќи чоколатцата и слатките се секаде околу нив. На овој (не)популарен потег Лидл се одлучи откако најновото истражување, спроведено во Велика Британија, покажало дека половина милион Британци до 2050 година ќе бидат дебели. Директорот на британскиот Лидл изјави дека Лидл ќе биде првиот ланец кој ќе воведе целосна забрана за продажба на нездрави грицки на пултовите околу касите. „Нашата цел, не е само ширење на свеста за рамнотежна исхрана и здрав начин на живот, туку, на нашите купувачи да им овозможиме тоа полесно да го спроведат во пракса. Занеме како е тоа тешко, па на овој начин сакаме да им олесниме на родителите“, ги објаснува своите намери директорот на Лидл во Британија.   А.А.