Еве каде постарите лица најубаво може да живеат

Добивај вести на Viber

 За постари лица на возраст преку 60 години, Шведска е најдобра земја во светот . Оваа нордиска земја е пласирана на врвот на ранг-листата направена од страна на организацијата за меѓународна помош и соработка „Хелп ејџ интернешанал“.

Со  основа од 13 параметри, споени во четири главни категории, споредувани се податоци од 90-ина земји и тоа во однос на здравјето, економијата и работата. Шведска покажува најдобри резултати, а веднаш зад неа на глобалната ранг-листа се Норвешка и Германија. Податоците користени во испитувањето доаѓаат од разни органи на ООН, Светската банка и Светската здравствена организација .

Кога станува збор за економијата, фокусот  пред се е врз важечките услови и критериуми во рамки на пензискиот систем, бројот на сиромашни постари лица и распределбата на буџетски средства наменети за згрижување на постари лица.

За здравјето пак  се присутни податоци за психичката здравственба состојба и очекуваната должина на просечниот животен век, како и бројот на здрави години по 60-годишната возраст.

Тоа што ситуацијата во Шведска вкупно земено се проценува како најдобра за постари лица во светски рамки, се објаснува со долгата традиција на вложувања во изградбата на разгранетиот систем на општествена благосотојба. На пример, се истакнува податокот дека токму пред 100 години Шведска беше прва земја во светот која има воведено пензиски систем, пишува „Свенска дагбладет.