ЕУ ја надмина и последната пречка за поевтинување на роамингот
Објавено во: Економија 01 Февруари, 2017
Европската унија ја укина и последната пречка за елиминацијата на роаминг во заедницата. Финалниот договор беше потпишан од страна на земјите-членки и институциите на Унијата. Тоа ги регулира техничките услови по елиминацијата на таксите кои мобилните оператори ги плаќаат едни на други за користење на услуги во странство.
Ова го стави и последното парче од сложувалката, кое беше потребно за отстранување на дополнителните давачки од 15 јуни 2017 година.
Цената на минута разговор ќе биде 3,2 евроценти, додека сега тоа е 5 евроценти. Од средината на јуни испраќање на порака ќе чини 1 евроценти, што е двојно помалку од сегашната цена. Вредноста за податоци при мобилниот интернет беше една од најконтроверзните цени. Во моментов тие се 7,7 евра за гигабајт, а до 2022 година треба да поевтинат до 2,5 евра.
Договорот завршува со успех после децении работа од страна на Брисел да им овозможи на граѓаните да ги користат своите телефони во странство, без да плаќаат дополнително. За да стане факт, сепак тоа треба да биде изгласано од Советот на Европската унија и од Европарламентот.
„Збогум роаминг“, напиша во својот профил на Twitter европратеникот Миапетра Кумпула-Натри, која предложи промени во оваа област. Комисијата со години ветува дека ќе ги укине дополнителните давачки за роаминг, бидејќи се обидува да создаде еден вистински дигитален единствен пазар. Нејзините напори доведоа до постепено прекинување на овие дополнителни трошоци - од 15 јуни, 2017 година. Тогаш сите ќе можат да ги користат своите телефони во целата ЕУ, како што го прават тоа дома.
Можеби ќе ве интересира
ШПАНСКИ ТУРИСТИ И БЛОГЕРИ ЈА ИСТРАЖУВААТ МАКЕДОНИЈА - ќе стане ли атрактивна за тамошните жители?
„ЕЛИТНИ ИЛИ ДОМАТ ТУРИСТИ“ - на море во претсезона поради цените, еве какви се цените во дел од познатите летувалишта
Фински „Модирум“ презеде македонската ИТ компанија со 125 вработени
Во куќа во Загреб живееле 30 странски работници, газдата наплаќал месечно 3.300 евра
Непалците возат автобуси, Турците градат згради, а Русите поправаат автомобили - каде исчезна локалната работна сила
ХРВАТИТЕ СО ПОПЛАКИ: Црешите се поскапи од свинско месо
Генерали Инвестментс: Странските инвеститори почнаа да купуваат кинески акции
Новите биогасни централи во Македонија ќе заработуваат 8 милиони евра годишно?
ИЛОН МАСК И ТЕСЛА ПОД ИСТРАГА: Американскиот обвинител се сомнева дека лажеле за автопилотот
