ЕРВАН ФУЕРЕ ЗА ФАКТОР 24: ЕУ ДА ВОВЕДЕ САНКЦИИ КОН ПРЕТСЕДАТЕЛОТ ИВАНОВ И ЛУЃЕ ОД ВМРО ДПМНЕ
Објавено во: Македонија 12 Април, 2017
ЕУ ако е сериозна во одбраната на демократијата и правата на македонските граѓани тогаш треба да воведе таргетирани санкции, не само против претседателот Ѓорѓе Иванов, туку и против владејачката партија, зашто тие ги игнорираат заложбите на кои самите се согласија според Пржинскиот договор. На пример, улогата на специјалниот обвинител, која е критична за владеење на правото вели поранешниот ЕУ амбасадор во Македонија, Ерван Фуере за емисијата ФАКТОР 24 .
Според евродипломатот апсолутно е клучно овој притисок да се изврши што поскоро, пред состојбата во земјата да се вложи дополнително и да стане опасно нестабилна.
„Апсолутно е неопходно да се зголеми притисокот врз претседателот на државата зашто е неприфталиво за претседател на земја -кандидат да го прекрши Уставот на овој начин, како што Иванов го направи во текот на последните недели, без никакви последици исто така е трагично што лидерот на владејачката партија, Груевски, зборува за одбрана на земјата, но ако добро погледнете што тој мисли, кога зборува за земјата, Груевски зборува за својата партија. Не е заинтересиран за интересите на земјата.
Ако поранешниот премиер беше заинтересиран, тој ќе дозволеше да се формира коалиција и ќе ја прифатеше улогата на опозиција. Ќе работеше во Парламентот и така Груевски ќе покажеше дека ги брани интересите на земјата, но тој не го прави тоа“ оценува Фуере во изјава за магазинот ФАКТОР 24. Тој ја уништува земјата. Токму тоа е трагично за земја кандидат.
За поранешниот шеф на делегацијата на ЕУ во Македонија е срамно што сегашниот спикер, Трајко Велјановски, одбива да ги почитува правилата на работење на Парламентот.
„Јасно е дека Велјановски ги следи упатствата на Никола Груевски. Единствено решение е Парламентот да избере спикер, во рамките на дејствувањето на законодавниот дом. Тоа ќе доведе до создавање на демократски избрана влада“. Секој изгубен ден поради блокадата на ВМРО-ДПМНЕ е изгубен ден за интересите на Македонија“, вели Ерван Фуере за политичко-економскиот магазин ФАКТОР 24 што ќе можете да го гледате вечерва од 19.15 часот на ТВ 24.
Магазинот ФАКТОР 24 кој е проект на веб порталот Фактор.