Добивај вести на Viber
Претседателот на Турција, Реџеп Таип Ердоган, денес повика состанок со министрите на владата, за прв пат откако во август дојде на чело на државата, објавуваат турските медиуми.
Состанокот се одржал во претседателската палата во предградие на Анкара, која кон крајот на минатата година предизвика низа контроверзии поради нејзината големина и екстраваганција, пренесува „АФП“.
Уставот на Турција му дава право на претседателот да повика и претседава со состаноци на кабинетот, со кои вообичаено претседава премиерот.
Двајцата претходници на Ердоган, Ахмет Неџет Сезер и Абдула Ѓул, ја извршуваа оваа функција обично церемонијално и никогаш не претседавале со состаноците на министрите на владата.
Ердоган е шестиот претседател во историјата на модерната турска република, воспоставена во 1923 година, кој претседавал со состанокот на кабинетот.
Опозиционата партија во Турција истакна дека претседателот може да повика состанок на кабинетот само во вонредни околности и го обвини Ердоган дека ги надминува своите овластувања и сака поголема улога во работата на владата.
Ердоган шест години доминираше на турската политичка сцена како премиер, а во август 2014 година беше избран за претседател.