Ердоган кон Путин: Да тргуваме во лири и рубљи?
Објавено во: Економија, Балкан 05 Декември, 2016
Турската валута секој ден губи позиции во однос на доларот и еврото.
Турција и предложи на Русија да преминат на порамнувања во националните валути, изјави претседателот Реџеп Таип Ердоган во говорот при отворање на трговски центар во Истанбул.
„Предложив на претседателот Путин да вршиме трговија во национални валути. Ние ќе плаќаме во рубли сè што купуваме од вас. Тие, пак, ќе ни плаќаат во лири"- објасни Ердоган.
Тој додаде дека упатил ваков предлог и на Кина, и тоа било прифатено како разумно.
„Дадов наредба на Централната банка. Се надеваме дека ќе успееме тоа да го реализираме. Освен тоа немирите на светскиот пазар влијаат врз нашата земја само со привремен ефект"- истакна уште турскиот претседател.
Тој повторно ги повикува граѓаните и локалните компании да разменуваат странска валута со турски лири и да вршат плаќања во националната валута.
Според властите така ќе се зајакне побарувачката на турската лира, ќе се намали побарувачката на девизи, што треба да доведе до стабилизирање на девизните курсеви и зајакнување на лирата.
Во последниот месец турската лира загуби 10% од вредноста во однос на американскиот долар. Фактички секој ден падот на лирата кон доларот и еврото урива историски рекорди. Засега властите не се мешаат на девизниот пазар.