Ем возат велосипед, ем заработуваат пари со тоа
Објавено во: Свет 23 Декември, 2016
Повеќе од 400.000 Белгијци добиле велосипедски надомест затоа што се возеле до работа со велосипед.
Пред 5 години бројот на корисници бил за 30% помал.
Компаниите кои биле вклучени во кампањата исплатиле скоро 93 милиони евра.
Белгија лани воведе ваков вид надоместок за да ја поттикне употребата на велосипеди за одење на работа како дел од програмата за заштита на животната средина.
Износот за исплатата на надоместот на компаниите им се одбива од данокот, а по истиот принцип граѓаните можат од данокот да си го одбијат секој трошок за купување или сервисирање на велосипед.
Ако вработен живее 15 километри далеку од компанијата, работи 210 дена во годината, и прима максимален надомест од 0,22 евра по километар, му следува надомест од 1.386 евра.
Се забележува дека бројот на поминати километри се зголемува. Ако пред 5 години еден човек поминувал 944 километри, сега таа бројка изнесува 1.045 километри.
Во Франција пред две години почна експеримент со кој ќе им се плаќа на луѓето кои на работа ќе одат со велосипеди, и со тоа француските власти станаа дел од напорите и на други европски влади кои сакаат со таков потег да се подобри здравјето на населението и да се заштити загадувањето на околината.
Градскиот совет на Масароса на северот од Пиза, во Италија од годинава имаат пилот шема, според која плаќаат по 25 центи за изминат километар, така што месечниот лимит на човек е од 50 евра. Тоа значи дека патниците кои ќе преминат кон превозно средство на две тркала можат да заработат до 600 евра годишно.