Екологистите го одведоа Анѓушев на Водно

Добивај вести на Viber

Поисплатливо е да се исече малку шума и да помине гасоводот, отколку масовно граѓаните да се греат на дрва и така повеќе да загадуваат, им рече вицепремиерот за економски прашања Кочо Анѓушев кој заедно со претставници од иницијативата „Го сакам Водно“ денеска ја поминаа трасата по која треба да поминува гасоводот, за лично да се увери каква шума и зеленило ќе бидат уништени. 

Анѓушев вели слушал различни спротивставени ставови за тоа колку шума треба да се исече и низ кои предели поминува проектот за гасоводот. Тој уште еднаш повтори дека, ако се пролонгира градењето на гасоводот тоа ќе значи дека многу домаќинства ќе продолжат да се греат на дрва и во наредните пет години.

- Во тој случај несразмерно многу шума ќе се исече за греење од тоа што тука би се оштетила, а тоа сега ќе биде минимално. Ги охрабрив во МЕР и како Влада им наложивме да направат максимални напори, секое дрво кое може да се избегне за да биде исечено, тоа да биде така направено. Мислам дека веќе се постигна оптимална траса низ која што ќе има минимални оштетувања. Се работи за 70 отсто помалку оштетувања од тоа што беше првобитно замислено. Доколку и понатаму имаме желба да направиме еколошки потфат, како што е градењето на гасоводот, треба да бидеме согласни да продолжиме – додаде Анѓушев. 

Тој додаде дека екологистите ќе бидат анагажирани да следат каде може што е помалку да се исече помалку шума при изградбата и така импактот на гасоводот да биде минимален во негативното влијание на околината.

- Од претходните четири километри шумски појас уништување, сега се намалува на два, се јавува теснење односно користење на постоечки патеки. Но, останува да продолжиме со разговорите, за лично да се уверуваше каква шума ќе биде уништена за трасата на гасоводот. Добиеме адекватно решение со кое сите би биле задоволни – вели Јанков и додава дека нивната работа допрва започнува со будење на граѓанската свест, за да ги натераат граѓаните да учествуваат во овие случувања, за да ги освестат, за тоа што значи Водно за нив - вели Андреа Јанков од „Го сакам Водно“.