ЕЦБ ја ангажираше „Oliver Wyman” за помош во анализата на банките

Добивај вести на Viber

Cо цел полесно да ги спроведе претстојните детални снимања на состојбите во 13-те најголеми банки во светот, Европската централна банка  ја ангажирала консултантската компанија „Oliver Wyman", информира порталот Еуобсервер. Станува збор за билансот на банките и нивната потреба од капитал, којашто во ЕЦБ  ја сметаат за своевиден предуслов за преземање нови должности. Компанијата „Oliver Wyman" за финансиско советување со седиште во САД, е познато име во светот на програмите за спасоносни заеми во еврозоната и проверка но отпорноста на банките на неповолните движења. Уште во 2006 година оваа компанија ја прогласи банката „Anglo Irish Bank" за најдобра во светот. Три години подоцна оваа банка беше национализирана, додека ирската држава речиси банкротираше и последично беше принудена да побара спасоносна помош од еврозоната, пишува Еуобсервер. Од ЕЦБ не ги објавуваат деталите за конкурсот на кој е избрана компанијата „Oliver Wyman", како ниту висината на надоместокот за советодавните услуги. „Oliver Wyman" ќе и пружи поддршка на ЕЦБ во управувањето и координацијaта и ќе даде услуги во финансиското советување во споменатиот проeкт, во прв ред во доработката на методологијата за таквите процени", се вели во соопштението на ЕЦБ.