Два денари од ноќевање за македонска музика

Добивај вести на Viber

Два денари од секое ноќевање ќе ги чини хотелиерите пуштањето македонска музика. Угостителите, пак, во зависност од големината на своите објекти, ќе плаќаат надомест до 270 денари месечно. Ова е предвидено во Договорот што го потпишаа Здружението за угостителство и туризам при Стопанската комора на Македонија и Македонската музичка индустрија. Локалите со површина до 50 метри квадратни ќе плаќаат вкупно 90 денари месечен надомест, оние со површина од 50 до 100 метри квадратни 144 денари, а најголемите, со површина над 100 метри квадратни - 270 денари. Овој надоместок важи само за членките на Здружението, а оние што не се плаќаат надомест кој е и до три пати поголем. Sите членки на Здружението за угостителство се должни да достават податоци колку ноќевања реализирале или колкава е површината на локалите врз основа на што се утврдува цената согласно тарифникот за користење фонограми и снимени изведби.