21 Јануари, 2020
0.0323

Драги Рашковски в понеделник ќе го брани фамозниот докторат

Објавено во: Македонија 20 Ноември, 2019

Драги Рашковски, генералниот секретар на Владата, в понеделник на правниот факултет „Jустинијан Први“ при универзитетот „Св.Кирил и Методиј“ ќе го брани спорниот докторат за кој во јавноста се тврдеше дека го пријавил во својата биографија пред да стане владин функционер.

„Правниот факултет „ЈУСТИНИЈАН ПРВИ“ во Скопје, соопштува дека на ден 25.11.2019 (понеделник) во 15 часот, кандидатот Д-р Драги Рашковски ќе ја брани својата докторска дисертација на тема: 
„Дигитализација и автоматизација на комуникацијата на граѓаните со јавната администрација (со систем за дигитално комуницирање со јавната администрација)“
Одбраната ќе се одржи во салата за состаноци на Правниот факултет „Јустинијан први“ - Скопје (сала за ннс. под деканат)“, гласи огласот на кој налета „Фактор“.

Владиниот критичар Димитар Апасиев претходно го обвини Рашковски дека изнел неточни податоци во биографијата и дека побрзал пред две години да се пофали со наводна втора научна титула „доктор на науки“, иако „никогаш ни до денешен ден го нема одбрането докторатот, ниту пак има добиено позитивна рецензија за истиот“.

Рашковски е избран за генерален секретар на Владата на петти јуни 2017 година кога навел дека на „Јустинијан први“ се стекнал со два доктората насловени: „Остварување на формите на непосредна демократија со помош на информатичката технологија“ и „Дигитализација и автоматизација на комуникацијата на граѓаните со јавната администрација (со систем за дигитално комуницирање со јавната администрација“).

Апасиев за таа прилика рече дека  „според Правилникот на Универзитет „Св. Кирил и Методиј“ во Скопје за трет циклус студии, во најдобар случај, меѓу објавениот наслов на дисертација и јавната одбрана на истата поминува една до две години“, па го повика Рашковски да си поднесе оставка од морални причини.

Рашковски во изјава за „Слободен печат“ рече дека докторатите се негова приватна работа и дека му се готови.

„Тоа е приватна работа. Барем не ги оспорува 3-ти магистратури и 1 докторат и 8 патенти и нека ја оспори утрешната награда Амбасадор на знењето од Словенија. Само да не го оспори сребрениот медал и златната статуетка од светскиот саем за иновации“ – изјави Рашковски потоа со одговор за тогашната 1ТВ.

А.К.

Можеби ќе ве интересира

Владата со помош за Атиџе и осумчленото семејство што учествуваше во филмот

Владата со помош за Атиџе и осумчленото семејство што учествуваше во филмот

ФОКУС НА ДЕНОТ: Хумани граѓани ќе помогнат на Јованови, договор за Законот за ЈО уште нема

ФОКУС НА ДЕНОТ: Хумани граѓани ќе помогнат на Јованови, договор за Законот за ЈО уште нема

СЕ ГУШИМЕ: Пет градови со eкстремно загаден воздух

СЕ ГУШИМЕ: Пет градови со eкстремно загаден воздух

ЗАВРШИ СРЕДБАТА МАРИЧИЌ - МУЦУНСКИ: Постои камен на сопнување за Законот за ЈО

ЗАВРШИ СРЕДБАТА МАРИЧИЌ - МУЦУНСКИ: Постои камен на сопнување за Законот за ЈО

Украдени скоро 27 тони јаболка од магацин во Ресен

Украдени скоро 27 тони јаболка од магацин во Ресен

Исчезна 28 годишна девојка од Босилово

Исчезна 28 годишна девојка од Босилово

Поранешен кандидат на СДСМ за градоначалник поставен за привремен директор на „Дрисла“

Поранешен кандидат на СДСМ за градоначалник поставен за привремен директор на „Дрисла“

ДИК повторно се прогласи за ненадлежна, овој пат на барање на Чулев

ДИК повторно се прогласи за ненадлежна, овој пат на барање на Чулев

Што има ВМРО-ДПМНЕ во „ракавот“ за Рекет, а јавноста не го знае

Што има ВМРО-ДПМНЕ во „ракавот“ за Рекет, а јавноста не го знае