Досега невиден Пјонгјанг: Фински новинар објави тајни снимки од улиците на Северна Кореја
Објавено во: Свет 02 Мај, 2017
Фински новинар успеал да прошверцува многу ретки снимки од Пјонгјанг, главниот град на Северна Кореја.
Дописникот од Азија за државната телевизија на Финска и новинската агенција Yle, Мајк Макелаинен бил во Пјонгјанг како би ја покривал прославата на Денот на сонцето, со која се одбележува 105 години од раѓањето на Ким Il- сунг, основачот на Северна Кореја.
Снимките од прославата се вообичаени и се дел од пропагадата на Северна Кореја. Ова, сепак се снимки од секојдневниот живот во претолнината, кои се направени без знаење на власта.
Општо е познато дека секој странец кој ја посетил оваа земја бил под постојан надзор на водичи, кои внимавале да не се забележи нешто што би можело да и наштети на државата.
На видеото на финскиот новинар се гледаат населби и згради правени во стилот на архитектура на комунистичкиот режим, и голем број на плакати на кои се гледа „Големиот водач“.
Исто така може да се види и Кулата на бесмртноста која е изградена во 1994 година како би се обележала смртта на „вечниот претседател“ Ким Il- сунг.
Исто така, CNN успеал да влезе во станот на просечен жител на Северна Кореја.