Докторката Николиќ по повеќе од 40 дена боледување конечно негативна на тестирањето за Ковид 19
Објавено во: Македонија 04 Мај, 2020
Гордана Николиќ, докторката која се зарази со Ковид 19 на работното место, по 40 дена боледување објави дека добила прв негативен резултат.
Докторката од Куманово стана позната по нејзиниот јавен говор за болеста ризиците и недостатоците и критиките за пропустите на државниот апарат во справување со короната.
„Прв пат НЕГАТИВЕН брис, од првиот позитивен на 23 ти март и сите потоа беа позитивни, се до сега ! Се радувам како дете ! Еве и пивото од фрижидер го најдов да наздравам, за сега уште само на тераса можам да си наздравам сама со себе ! Стискајте палци и за вториот брис што ќе ми го земат утре“ соопшти Николиќ.
За проблемите за кои се пожали докторката од Куманово реагираше и министерот за здравство Венко Филипче, кој по нејзината критика рече дека се работи на подобрување на заштитата на медицинските лица. Министерот за здравство, Венко Филипче вели дека надлежните веќе разговарале на луѓето кои професионално заболеле да добијат цела плата, да нема кратење, а за партиципацијата исто се бара решение. Тука првенствено се мисли на здравствените работници.