ДОКТОРАТ КОЈ ГИ ЗАПРЕПАСТИ НАУЧНИЦИТЕ: Земјата е рамна плоча и центар на универзумот!

Добивај вести на Viber

Една Тунижанка, студентка на Универзитетот во Сфакс напишала докторски труд во кој тврди дека Земјата е рамна плоча и дека Сонцето се врти околу неа.

Како што наведуваат медиумите, таа работела пет години на тој труд.

Целта и била да ги урне законите на Њутн, Кеплер и Ајнштајн бидејќи имаат, како што вели таа, слаби основи. Наместо тоа се водела од верските учења за земјата.

Таа во трудот наведува дека брзината на звукот и светлоста треба повторно да бидат измерени и дека ѕвездите се седум милиони километри оддалечени од Земјата и ограничен број а една од функциите им е да го украсат небото.

Тој труд, под името „Модел на рамна Земја, аргументи и влијание на климатските и палеоклиматските стдуии“ предизвика бурни реакции меѓу научниците.

Меѓу првите реагирала физичарката, доцент на Универзитетот во Тунис Фауаија Шарфи.

„Комисијата која го прифатила овој труд треба да се срами и е виновна подеднакво колку и доцентот кој на студентката и овозможил да почне да работи на тезата“, наведува таа на фејсбук. Побарала и таа комисија да биде распуштена, а на нејзините членови им е забрането да бидат дел од било која научна или академска комисија.

Таа научничка ги повикала и своите колеги да ја одбранат автономијата на науката од религијата.

„Да реагираме, мораме да направиме луѓето да сфатат дека науката нема никаква врска со религијата“.

После неколку недели полемики, комисијата го одбила спорниот докторски труд, а Министерството за високо образование во Тунис отворило истрага.