Дневница од вработените и тон флаширана вода од Еуростандард банка за поплавените подрачја!
Објавено во: Мои пари 05 Февруари, 2015
Еуростандард банка со сопствена донација и донација на своите вработени започна хуманитарна акција за помош на населението од поплавените подрачја во Македонија.
Банката испрати еден тон флаширана вода во погодените подрачја, а нејзините вработени донираа по една своја дневница, средства кои преку Црвениот крст на Македонија ќе бидат искористени за помош на погодените од поплавите.
Под мотото „На Македонија ѝ е потребна твојата помош“ Банката ги повикува сите граѓани на Република Македонија да се вклучат во хуманитарната акција и да донираат средства на сметката која Банката ја отвори посебно за оваа акција.
„Во овој момент најважно е секој од нас да се вклучи во хуманитарната акција за помош на поплавените подрачја и да помогне колку може. Како банка, ние чувствуваме одговорност да им помогнеме не граѓаните од овие подрачја, но и да овозможиме брз и лесен начин на кој граѓаните би можеле да донираат средства, а се со цел да се обезбеди што поголема помош за погодените од поплавите кои ја зафатија нашата земја.
Од тие причини Еуростандард банка отвори посебна жиро сметка 370011200006379 на која граѓаните можат да ги уплатат своите донации. За сите клиенти на Еуростандард банка овозможено е брзо префрлање на средства од нивната трансакциска сметка на сметката за донации преку услугата е-банкинг.
Нашите вработени први се вклучија во хуманитарната акција издвојувајќи по една своја дневница која ќе биде искористена за помош на поплавените населени места што е добар пример и се надеваме инспирација за сите граѓани на нашата земја да се вклучат во акцијата помагајќи кој колку може.“ – изјави Горан Јосифовски, директор за маркетинг во Еуростандард банка
Корисник на средствата кои ќе бидат собрани на сметката на Еуростандард банка за донации е Црвениот крст на РМ. Според Црвениот крст во прв момент најпотребно е во погодените подрачја да се испрати чиста вода за пиење и средства за хигиена и дезинфекција, додека во понатамошните фази ќе бидат потребни финансиски средства за санација на последиците од поплавите.
Можеби ќе ве интересира
Проширување на хоризонтите за трговија и инвестиции: мисијата на WTCA во Европа и Западен Балкан
В НЕДЕЛА СИТЕ НА ВОДНО – ДАЛИ СТЕ ПОДГОТВЕНИ ЗА НАЈМАСОВНИОТ ПЛАНИНСКИ НАСТАН ВО РЕГИОНОТ „SPARKASSE LIFE ПРВ ДО ВРВ“?
Гранд Скопјe PRIME SPONSOR на овогодинешната Конференција за недвижности
Промотивен станбен кредит на Силк Роуд банка со фиксна каматна стапка за 10 години
Лирски почеток на „Видик“ со фузија на поемата „Коњски житија“ и боса нова ритамот на „Акварела“
БЕКУТАНОВА РАБОТИЛНИЦА ЗА РОДИТЕЛИ: Секој маж може да стане родител, но не може секој да биде ТАТО
TTK Банка АД Скопје по втор пат ја зголеми основната главнина преку скрип емисија на нови акции по пат на приватна понуда
ВТОР ДЕН ОД САМИТОТ НА МАКЕДОНИЈА2025: Дигитализацијата и елиминирање на корупцијата - предуслови за забрзан економски раст
Македонски Телеком со најголеми просечни брзини и најдобри резултати за вкупните перформанси на мрежата
