Директорот на Фолксваген поднесе оставка по скандалот со издувните гасови
Објавено во: Економија 23 Септември, 2015
Генералниот директор на германската автомобилска компанија ,,Фолксваген”, Мартин Винтеркорн си поднесе оставка откако излезе на виделина скандалот со лажирањето на податоците а штетните издувните гасови.
,,Шокиран сум од настаните во изминатите неколку дена. Пред сè, вџашен сум што во групацијата Фолксваген е можно недолично однесување на такво ниво“, вели Винтеркорн.
Тој призна дека учествувал во нерегуларностите со 11 милиони дизел автомобили низ светот кои биле опремени со уреди кои лажно го прикажувале нивото на загаденост од издувните гасови.
,,На Фолксваген му треба нов почеток и нови кадри. Со мојата оставка отворам пат за нов почеток на компанијата”- вели Винтеркорн кој на чело на компанијата застана во 2007 година.
Германското обвинителство соопшти дека засега собираат повеќе информации околу оваа афера за потоа да поднесат и неколку тужби против компанијата и нејзините вработени кои биле одговорни за кршењето на прописите.
Инаку, против компанијата се почнати неколку кривични истраги во САД, а истрага ќе спроведат и Германија, Италија, Франција и Јужна Кореја. Американската Агенција за заштита на околината пак, соопшти дека на компанијата му се заканува казна од 18 милијарди долари.