ДЕСЕТ ЧЛЕНА НА ЕДНО СЕМЕЈСТВО СЕ УБИЕНИ: Израел не попушта пред нападите на Хамас
Објавено во: Свет 15 Мај, 2021
Израелската армија уништи објект на военото разузнавње на Хамас во Газа, од појасот Газа ракети кон градот Бер Шева.
Палестинските радикали утрово продолжија со ракетен напад врз големиот град Бер Шева во јужен Израел, соопшти прес-службата на израелската армија. Палестинците пријавија 11 загинати на окупираниот Западен брег во судири меѓу демонстранти и израелските безбедносни сили, а најмалку 132 лица се убиени во Газа од понеделникот, вклучувајќи 32 деца и 21 жена и 950 ранети. Меѓу осумте загинати, колку што досега потврдија во Израел, покрај војниците кои загинаа на границата со Газа, има и шест цивили, меѓу кои и две деца, објавија израелските власти. Десет члена на семејство беа убиени утрово во израелски воздушен напад во западниот Појас Газа, јавија француски медиуми. Премиерот на Израел, Бенјамин Нетанјаху денеска нагласи дека не планира да попушти во нападите против Хамас, најмоќната милитантна група во Газа. Веќе петти ден траат оружените дејства на Блискиот Исток.
Македонските власти даваат поддршка на Израел. Истиот став го дели и опозицијата. Лидерот на ВМРО-ДПМНЕ, Христијан Мицкоски синоќа на Фејсбук даде поддршка за Израел. Изрази сочувство за секој изгубен живот, и се надева дека брзо ќе се смират немирите за да сите луѓе во тој регион живеат во мир.
Генералниот секретар на ОН, Антонио Гутереш, повика на итен прекин на непријателствата во Израел и Појасот Газа, изјави портпаролот на ОН, Стефан Дижарик. Тој изјави дека ОН се подготвени да помогнат во израелско-палестински договор врз основа на релевантни резолуции на ОН, меѓународно право и билатерални договори, со помош на други медијатори, како Русија, САД и Европската унија.