Дел од повредените во критична состојба
Објавено во: Македонија 14 Февруари, 2019
Седум од 37 пациенти кои се лекуваат во клиниките се во критична состојба по вчерашната страшна несреќа кај Карпалак, во која автобус се преврте.
Од нив четворица се на Интензивна нега во 8 септември, а тројца во Клиничкиот центар. Меѓу повредените кои се на интензивна е и едно девојче кај кое ноќва дошло до крварење, па лекарите морале преку оперативен зафат да и ја отстранат слезинката.
„Исклучително брзо и промптно реагираше службата за Итна помош, на ефикасен и професионален начин дадоа брза помош. Мора да дадам благодарноста на двете приватни болници кои излегоа во пресрет со нивните амбулантски возила и ги транспортираа повредените овде во „8 Септември“. 80 отсто од персоналот беше на работа за вмногу краток временски интервал од 15 минути и се организираше системот, се направи тријажа и се сместија во соодветните оддели за лекување тука и во Клиничкиот центар“, изјави министерот за здравство, Венко Филипче.
Тој се надева дека луѓето кои сега се во критична состојба ќе закрепнат.