Добивај вести на Viber
Премиерот на Турција, Ахмет Давутоглу, изјави денеска дека слободата на печат никому не му дава за право да изнесува навреди, опишувајќи го објавувањето на карикатурата на пророкот Мухамед како „голема провокација“.
„Слободата на печат не значи слобода за изнесување навреди“, нагласил Давутоглу пред новинарите во Анкара, по само еден ден откако турскиот дневник „Џумхуриет“ како и поодделни сајтови на Интернет објавија карикатури на пророкот Мухамед од последното издание на францускиот сатиричен магазин „Шарли Ебдо“, пренесува „АФП“.
„Не можеме да дозволиме изнесување навреди за пророкот... објавувањето на карикатурата е голема провокација“, истакнал Давутоглу.
Првиот број на сатиричниот француски магазин „Шарли Ебдо“ по минатонрдрлните терористичк напади врз редакцијата на овој весник во текот на вчерашниот ден беше распродаден на целата територија на Франција веднаш штом се појави на продажните места.
Најновото издание на неделникот имаше насловна страна на која беше нацртана карикатура на пророкот Мухамед кој плаче и во рацете држи парола „Јас сум Шарли“, а под неа „Се е простено“.