ДАЛИ СТЕ ВАКЦИНИРАНИ, ТЕСТИРАНИ ИЛИ ОЗДРАВЕНИ: Полицијата од денеска контролира при влез во Германија, казна и до 25.000 евра
Објавено во: Свет 02 Август, 2021
Германската полицијата
од утринава спроведува проверки на лице место на границите при влез во земјата.
Секој што влегува во Германија мора да има доказ за целосна вакцинација, прлежана болест или негативен тест.
Новите правила на Германија со кои се бара секое невакцинирано лице што се враќа од странство да има доказ за негативен тест за корона вирусот, стапи на сила од денеска.
Во прилогот на thelocal.de за време на проверките на самото место на автопатот А3 кај Пасау, Баварија, 110 луѓе ги немале потребните документи.
Инаку, новите правила важат за сите постари од 12 години кои не се целосно вакцинирани против вирусот или кои не се опоравиле во изминатите шест месеци.
Претходно, секој што патува со авион се очекуваше да има негативен резултат од тестот или доказ за вакцинација или прележана болест пред да пристигне во Германија. Новата регулатива го проширува правилото за сите влегувања и по копнените и по морските патишта.
Проверките се случајни.
Луѓето што влегуваат во Германија и кои не се тестирани, се молат веднаш да стигнат во тест центарот за корона вирус, и секако може да им се наплати казна.
16 германски покраини ги утврдија казните за прекршоци. Во Баварија, на пример, луѓето што ги прекршуваат прописите за влез на може да се соочат со околу 500 до 2000 евра. Баварскиот министер за внатрешни работи Јоаким Херман ги повика луѓето утринава сериозно да ги сфатат новите правила за влез. Тој рече дека луѓето можат да се соочат со казна и до 25.000 евра во потешки случаи.
Патниците кои патуваат со воз во Германија, исто така, се проверуваат по случаен избор, обично од страна на кондуктерите, а не од федерална полиција.
Критичарите велат дека новите правила влегле предоцна и тешко се спроведуваат.
Photo: picture alliance / Soeren Stache/dpa | Soeren Stache