Дали Села и Гаши ќе го бојкотираат Собранието?
Објавено во: Македонија 18 Август, 2020
Има најави за бојкот на работата на Собранието.
Генералниот секретар на Алтернатива, Скендер Реџепи, на Фејсбук, им предложил на пратениците на коалицијата Алијанса за Албанците-Алтернатива да ја бојкотираат работата на Собранието.
„Ако во наредните денови работите не се променат во корист на Албанците, јас ќе им предложам на раководствата и на претседателите на коалицијата ‘Сега е време‘ да ја бојкотираат работата на Собранието на Република Северна Македонија и со тоа да им стават до знаење на сите внатре и надвор од земјата дека не може да се поигрува албанското политичко достоинство“, напиша Реџепи.
Идејата на Реџепи ја поддржа Арбен Таравари од Алијанса за Албанците кој вели дека се работи за логично решение.Доколку не се исполни ветувањети на ДУИ за прв Албанец премиер во Македонија, 12-те пратеници на коалицијата Алијанса за Албанците и Алтернатива размислуваат за бојкот.
Во меѓувреме, преговорите меѓу ДУИ и СДСМ се на самиот крај.
Се договара распределбата на ресорите.