Дали падот на продажба на автомобили е лош знак за економијата на САД?
Објавено во: Економија 04 Јануари, 2018
За прв пат по финансиската криза во САД се бележи пад на продажбата на автомобили на годишна основа, односно во 2017 има вкупен пад на продадените автомобили во однос на рекордната 2016. Лани во САД се продале вкупно 17,2 милиони возила што е мал пад во однос на 2016 година кога биле продадени рекордни 17,8 милиони автомобили од сите класи.
Сепак, ако се гледаат податоците на Autodata во декември речиси сите големи американски брендови како Ford, Fiat Chrysler и General Motors но, и јапонски брендови меѓу кои Toyota, Honda, и Nissan имаат послаба продажба споредено со годината претходно што може да е силен индикатор за успорување на економијата.
САД има одлична економска 2017 година со многу висок раст на вредноста на акциите на берзите, намалување на невработеноста и раст на инвестициите. Сепак, за годинава се прогнозираат повеќе економски ризици меѓу кои повисоки каматни стапки, како и заситеност на автомобилскиот пазар како и други области кои вообичаено бележеа раст по економската криза во 2007 година.
Со одржување на ниските цени на нафтата во 2017 и годините претходно се бележи раст на големите автомобили, односно пикапи и камиони, а се намалува продажбата на седани и коли со три врати.