Дали ИД ќе биде уништена со копнена акција?
Објавено во: Свет 24 Мај, 2016
Поранешниот британски премиер, Тони Блер смета дека Исламска држава ќе биде уништена само со копнена акција на војски од Западот.
Објаснува дека само со воздушни удари екстремистите нема да бидат победени. Против нив треба да се преземе конкретна копнена акција со поддршка од британски, американски и други армии од западот, вели Блер. На надворешно-политичка дискусија во Лондон, Блер дополни дека армиите на САД, Британија, Франција и други големи држави имаат капацитет.
„Целта е да се уништи тој противник? Мојот одговор е – да“ - рече Блер.
Тој беше британски премиер во периодот од 1997 до 2007 година. Призна дека државите што учествуваа во инвазијата врз Ирак ги потцениле дестабилизациските сили во Ирак по соборувањето на Садам Хусеин, „без разлика дали се од Ал Каеда од сунитска страна или Иран и негови милиции“.