Дали Хрватска и БиХ се изложени на реални закани од џихадистите?
Објавено во: Балкан 16 Јуни, 2017
Хрватска е членка на Европската Унија и НАТО, и поради тоа е една од можните мети, а заканата ѝ доаѓа преку соседна Босна и Херцеговина, чии муслимани Исламска држава постојано ги повикува да ги убиваат „неверниците“, пишува Дојче веле.
„Терористичката закана во Хрватска е реална“, вели Павле Калиниќ, политиколог кој се занимава со безбедност и е шеф на загрепската Градска канцеларија за управување во итни ситуации.
Заканата за која станува збор, сепак, не е насочена кон Хрватска, туку кон Хрватите и Србите на Балканот, а пред сѐ оние во Босна и Херцеговина.
Заканата беше објавена минатата недела во гласилото на ИСИС Румијах. Пред Хрватите и Србите, беа прозвани „отпадниците од верата“, односно умерените муслимани кои живеат на Балканот.
„Нивните закани не треба да се занемарат, но нужно е и таквото адресирање на метите да се ставо во поцелосен контекст“, вели Калиниќ.
Тоа, според него, значи дека Хрватите и Хрватска доаѓаат во фокусот на Исламска држава по дифолт.
„Бидејќи, Хрватска веќе неколку години е членка на Европската Унија, со што на себе ја презема и пошироката политика на таа асоцијација. Таа дури подолго е членка на НАТО, што има своја цена изразена во ваква валута. На крајот, нашата држава беше поприлично вплетката во војната во Босна и Херцеговина, што е факт кој има своја тежина, без оглед како се толкува хрватската улога во таа војна, добро или лошо“, вели тој.
Од друга страна, соговорникот на Дојче веле од управата на главниот град на Хрватска потсетува дека тероризмот на Исламска држава во светот претставува нов, поинаков модел на организација.