Дали до Божиќ цената на нафтата ќе експлодира?
Објавено во: Економија 25 Септември, 2018
Нафтата може да чини 90 долари за барел до Божиќ и да повеќе од 100 долари на почетокот на 2019 година.
Трговците на нафта во компанијата Trafigura и Mercury излегоа со ваква прогноза.
Ова е можно затоа што ситуацијата на пазарите ќе биде напната кога САД во ноември во потполност ќе воведе санкции против Иран.
Од Mercury предупредуваат дека дури 2,0 милиони барели на ден може да бидат тргнати од пазарот.
Американските санкции против Иран би можеле да доведат до пад на понудата за 1,5 милиони барели дневно.
Податоците за движењето на танкери со нафта и производството на нафта покажуваат дека извозот на нафта на Иран почна да опаѓа пред воведувањето санкции против иранскиот сектор на нафта од страна на САД.
Организацијата на земјите извознички на нафта (ОПЕК), во која доминираат земјите од Блискиот Исток и Русија, водечки производител надвор од ОПЕК, разговарале за зголемување на производството за да се надомести прекинот од испораките од Иран, иако уште не најавија каква било одлука. Лидерот на ОПЕК, Саудиска Арабија, и нејзиниот најголем сојузник во производството Русија, во неделата отфрлија било какво „инстант” зголемување на производството, практично се одбива апелот на претседателот на САД, Доналд Трамп за да се преземе акција како би се “изладил” пазарот.
Рускиот министер за енергетика Александар Новак, изјави дека нема потреба да се зголеми производството. Новак смета дека трговската војна меѓу Кина и САД, како и санкциите на САД против Иран, се нови предизвици за нафтениот пазар.
Цените на нафтата скокнаа вчера за два отсто затоа што американските санкции го ограничија иранскиот извоз на оваа суровина, нагризувајќи ја глобалната понуда.