Добивај вести на Viber
Актуелниот хрватски претседател Иво Јосиповиќ, но и Колинда Грабар - Китаровиќ, Милан Кујунџиќ и Иван Вилибор Синчиќ влегуваат во трка за нов хрватски претседател, објави хрватската Државна изборна комисија.
Изборите ќе се одржат на 28 декември.
Јосиповиќ е кандидат на СДП, Грабар - Китаровиќ на ХДЗ, Кујунџиќ на Сојузот за Хрватска, а Синчиќ на партијата „Жив ѕид“, која се спротивставува на насилните исселувања на граѓаните за неплатени кредити. Изборната комисија ја потврди уредноста на нивните кандидатури.
До Комисијата стигнале уште три кандидатури од независни кандидати, но биле отфрлени затоа што ги немале потребните 10.000 потписи за поддршка. Грабар - Китаровиќ на нејзината кандидатура добила поддршка од 328 илјади гласачи, Јосиповиќ - 203 илјади, Кујунџиќ - 50-тина илјади, а Синчиќ околу 15 илјади.
Изборната кампања ќе започне утре и ќе трае само 18 дена. Претходно кандидатите, согласно хрватските закони, мора да објават дали и колку пари ќе потрошат од нивни сопствени средства.