Добивај вести на Viber
Во предлог Буџетот за следната година предвидени се 7 милиони евра за реконструкција и доградба на објектите во јавното здравство. Но, при тоа повеќе од половината од парите ќе бидат обезбедени со заеми.
Потоа планирани се 3,2 милиони евра за медицинска опрема за јавното здравство, при што половина од овие пари се од самофинасирачки активности на установите
За реконструкција на клиничката болница во Тетово и општата болница во Кичево, предвидени се 2 милиони евра, при што само 327.000 евра се од буџетот, а останатите се од самофинасирачки дејности установите.
„Реконструкција на Клиничката болница во Тетово со цел обезбедување на просторни услови за одделенија за онкологија, дерматовенерологија и инфективно одделение, опремување на Клиничката болница во Тетово со медицинска и друга опрема и изградба на Општата болница во Кичево која ќе ги содржи следните содржини: дијагностички центар со третман, стационар за болните лица, гинекологија и акушерство, хирургија, интерна медицина и амбулантски дел, стои во предлог буџетот за следната година.
За ПЕТ центарот планирани се 3,5 милиони евра, додека 24.000 евра се наменети за изгрдба на амбуланти во рурални средини.
И оваа догодина се предвидени 35.000 евра за проектот здравствена картичка.
С.Н.