Добивај вести на Viber
Следната година владата планира да потроши 1,6 милиони евра за реконструкција и изградба на студентски домви, и 34.000 евра за реконструкција на ученички домови, ова е напишано во предог Буџетот за 2016 година.
За разлика од студентските домови, за кои студентите изминативе години постојано алармираат дека се во катастрофална состојба, а пред извесно време се сруши и кров, владата многу повеќе пари планира да вложи во спортски објекти, односно 7,1 милиони евра и уште 5,6 милиони евра во спортски сали во основните и средните училиштата.
А дури 3,3 милиони евра се планирани за проектот опремување на лаборатории.
Основни училишта
Во изградба на основни училишта се планирани да се вложат 2 милиони евра, и уште 414.000 евра за нивна реконструкција.
Не запаира ниту изгрдбата на спортските сали. За следната година планирани се 4,5 милиони евра за изградба на спортски сали во основни училишта, при што 2,5 милиони евра се пари од буџетот, а останатите се пари од заеми.
При тоа и во 2017 и во 2018 се планирани пари за оваа намена. Па така за тие две години 21 милиони евра, од кои 18 милиони евра се заеми, а само 3 милиони евра се од буџетот на државата.
Средни училишта
За изградба на средни училишта за следната година планирани се 570.000 евра во буџетот на државата, и уште 406.000 евра се планирани за реконструкција на средни училишта.
И тука ќе се градат спортски сали. Па за таа намена планирани се 1,1 милиони евра.Овие пари се за изградба на спортски сали во средни училишта, при што 1 милион евра од тие пари се од заеми.
За реконструкција на детски градинки се планирани, 512.000 евра, а 187.000 евра за изградба и опремување на центрите за социјална заштита.
Догодина планирани се 490.000 евра за преведување на стручна литература и уште 1,2 милиони евра за преведување на книги од реномирани автори.
С.Н.