БРЕГЗИТ ГИ НАТЕРА: Британците бараат европски пасоши-посебно Бугарски!

Добивај вести на Viber

Британците изгледа брзаат да го задржат слободниот пристап до Европската унија.

Агенцијата Bloomberg се поврзала со претставници на 16 амбасади и дипломатски претставништва во Лондон, меѓу кои и на Бугарија. Сите тие имаат бележат зголемување на бројот на кандидатите за пасоши или истраги за државјанство во двата месеци по гласањето на Велика Британија за излез од ЕУ.

Се посилната побарувачката значи дека Британците се обидуваат да го обезбедат правото на слободно патување и работа во ЕУ, со оглед на неизвесноста за идниот статус по Брегзит, пишува Bloomberg.

„Гледаме силен скок како на пребарувања, така и на барањата“, вели Јохан Допш, аташе во Австриската амбасада. „Во првите денови по референдумот истраги по телефон и преку е-мејл пораснале до над 100 на ден“. Австрија забележа речиси двојно зголемување на барањата за пасоши или лични карти во јули во однос на истиот месец од 2015 година.

Неделиот број на барања за државјанство во Шведската амбасада пораснал седум пати во периодот околу референдумот на 23 јуни, достигнувајќи врв од 150 во самата недела околу него пред приливот да ослаби во текот на летото.

Полската амбасада обично добива во просек по 100 барања за државјанство на година, но веќе има добиено 111 само во првата половина на 2016 година .По референдумот добиле речиси 600 барања за државјанство.

Конзуларниот оддел на Холандската амбасада добил 10 пати повеќе од вообичаениот број барања во првиот месец по британското гласање, макар потоа прашањата се стабилизирале на ниво околу два пати над вообичаениот обем.

Ирска, најповрзаната држава со Британија, соопшти во август дека бележи 17% зголемување на барањата за државјанство.

Финската амбасада предвиде зголемување на барањата за пасош со околу 100 барања во споредба со претходните лета.

На сајтот на германската амбасада пак е објавено предупредување дека се чека подолго поради „значително зголемување“ на бројот на апликации.

Од португалската амбасада велат дека има зголемување на барањата за португалско државјанство, но нема раст на реалните барања последователно.

Претставници на дипломатските служби на Чешка, Хрватска и Грција, исто така потврдуваат зголемен интерес, како и од Словенија, Словачка и Латвија. Неколку источноевропски членки на ЕУ велат дека интересот е зголемен, откако претходно практично бил речиси нула, а многу од кандидатите ги засноваат барањето на своето потекло од овие држави.

Унгарската конзуларна служба известува дека добила 220 барања поврзани со државјанство од страна на Британците по 23 јуни во однос на помалку од 10 во првата половина на годината.

Естонија предвиде „изразен“ раст на барања за пасоши, а во Литванија има зголемување до 34 по референдумот, додека обично бројот е 1-2 месечно.

Со бугарската амбасада се поврзале 30 Британци, кои се заинтересирани за државјанство, што е зголемување во однос на поранешниот интерес. „Обично не добивавме такви барања од британски државјани, па овој тренд започна по референдумот“, коментира вториот секретар во соседната амбасада Цветан Спасов.

Меган Бентон, виш аналитичар во Институтот за имиграциски политики во Вашингтон, коментира дека има две групи кандидати за државјанство на земја од ЕУ. Првата е на луѓето кои редовно го користат своето право на слободно движење во заедницата поради лични или службени причини.

„Втората група е интересната - тоа се луѓето кои го сакаат богатството на европското државјанство, луѓе кои може и никогаш да не активирале слобода на движење. Тие веројатно се чувствуваат измамени, не сакаат да ги загубат своите права“, коментира таа.