Борисов: Ако не го потпишеме договорот со Македонија, што ќе потпишуваме во иднина?
Објавено во: Балкан 08 Јули, 2017
Ако не го потпишеме Договорот за добрососедство со Македонија, не знам што друго би можеле да потпишеме во иднина. Ова го изјави премиерот Бојко Борисов за време на јавна дискусија меѓу Бугарија и САД по димензиите на евроатланската солидарност во бугарското претседателство на ЕУ и новите изгледи пред бугарско-американските сојузнички односи.
„Договорот за добрососедство со Македонија е исклучително важен. Треба да ги оставиме историчарите да се расправаат. И на мене не ми е пријатно да ги слушам на многу теми. Убеден сум дека и бугарската политичка класа ќе не поддржи. Тоа зависи и од политичката класа во Македонија овој договор да тргне. Ако него не можеме да го потпишеме, тогаш што би можеле во иднина да потпишеме. Интересот на Бугарија е да ја поддржи Македонија да влезе во Атланскиот пакт. Да се надеваме дека и колегите разбираат какви се и опасностите, ако сето тоа не се случува во иднина. Односите со Русија строго ни се прагматични. Имаме стратешки интерес Бугарија да биде разновидна. Според мене е многу погрешно, ако дозволиме Бугарија да стане само клиент“, коментира Борисов, цитиран од бугарските медиуми.
За средбите во Дубровник и т.н. берлински процес за Западен Балкан, тој посочи дека за радост сите се убедени дека Балканот треба да бидат стабилизиран.
„Ако не ја сфаќаме и не сакаме да ја погледнеме вистината во очи, Балканот повторно ќе е најтешкиот и нестабилен регион од цела Европа. Убеден сум дека со овој берлински процес, со претстојното претседателство можеме да направиме доста за пристапувањето“, рече уште Бојко Борисов.