Добивај вести на Viber
Околу десет илјади лица се евакуирани во околината на Берлин откако за време на градежни работи била откриена огромна бомба тешка 250 килограми, за која се претпоставува дека останала уште од времето на Британското бомбардирање на Берлин за време на Втората светска војна.
Експлозивната направа била откриена денеска во раните утрински часови за време додека се извршувале работи во близина на железничката постојка во Потсдам.
Веднаш била наредена евакуација и биле евакуирани жителите на неколку околни згради, меѓу кои и зградата на регионалниот парламент во Бранденбург. Било запрено и движењето на јавниот превоз, автомобилите, возовите и трамваите.
Бомбата во текот на попладневните часови била демонтирана од група пиротехничари.
Поминаа речиси 70 години по завршувањето на Втората светска војна, а во земјата под голем број германски градови се уште има голем број заостанати бомби.
Властите проценуваат дека само под Берлин има околу 3.000 неексплодирани бомби.