Добивај вести на Viber
Богатите Германци се повеќе, својот капитал го инвестираат на пазарите со луксузни недвижности во својата земја поради зголемените глобални ризици на пазарите со акции, падот на златото како и малите приходи од обврзниците.
Според анализата на реномирана агенција за трговија со недвижности „Енгел и Вулкерс“, резултатите покажуваат дека цената за станбените површини во луксузните делови пораснале и дека тие се приближуваат на ниво од почетокот на светската криза.
Како најскап станбен простор и натаму се продава во центарот не германскиот џет-сет, островото на северот на земјата Силт, каде цената за еден квадратен метар стигнува дури до 35.000 евра.
Второто место и натаму го држи главниот град на Баварија, Минхен, каде е забележан пораст на прометот со недвижности за 30 отсто. На елитните места во градот становите се продаваат за 25.000 евра за квадрат.