Блерим Река: САД бара да не се гласа за корумпирани политичари, доаѓа лавина на промени
Објавено во: Македонија 07 Октомври, 2019
Блерим Реак, кандидатот за претседател на Македонија од последните претседателски избори, по неочекуваните резултати од вонредните парламентарни избори во Косово каде што Самоопределување на Албин Курти доби најмногу гласови, а партиите на Рамуш Харадинај и Хашим Тачи беа фрлени во сенка, коментира дека феноменот ќе биде регионален затоа што, според професорот, САД бара да не се гласа за корумпурани политичари.
„Кога пишував со години, дека „незапирливата антикорупциска лавина на Балканот“ ќе започне од Косово; повеќето се смееја. Исто како што велев дека Албин Курти ќе ги води последните преговори со Белград. Во меѓувреме, САД прогласија глобалната борба против корупцијата - како приоритет на надворешната политика - и во пресрет на изборите наредија: „Не гласајте за корумпираните“, барајќи: „Нови идеи за дијалог: Косово-Србија“. Колку и да е едноставно: корупцијата стана геостратешка закана и преговорите за затворање на оваа закана на Балканот не можат да бидат водени од корумпирани политичари. Но, 6 октомври ќе ги прекине и регионалните сојузи за криминал. Посткорупциската лавина штотуку започна да се протега од Приштина. Не е познато каде ќе запре ...“, гласи коментарот на Река.
Тој смета дека сличен развој на настаните следува и во Македонија и другите земји во регионот, иако експлицитно не именува други земји.